कुरुंदा

कुरुंदा सोडताना , मनी उठले काहूर

आला भरून हा उर , ओली झाली ही नजर

कुरुंदा सोडताना , आली पावसाची सर

आला आठवनींचा पुर , धुंद झाले तरूवर

कुरुंदा सोडताना , वनी नाचतात मोर

रूणझुनती पाखरं , आले जुळून हे सूर

कुरुंदा सोडताना , वर ढगांची मखर

इंद्रधनू कडेवर , लाजे चंद्राची ही कोर

कुरुंदा सोडताना , दिसे झाडांना बहर

गोड जांभळं नी बोरं , लोंबे आब्याला मोहर

कुरुंदा सोडताना , शेता फुलांचे आगर

झेंडू मोगरा तगर , जसे उडवी अत्तर

कुरुंदा सोडताना , नदीच्या या काठावर

डोई कोणाच्या घागर , कोण वाजवी पैंजार

कुरुंदा सोडताना , लागे डोळयाला धार

होई आवाज कातर , ह्रदयी येई गहीवर

- श्रीविष्णूराजे पाटील-कुरुंदकर.